पर्सा ,१५ बैशाख । वीरगञ्जमा तराई मधेस महिला फाउन्डेशन नेपालको आयोजनामा आज भारतको काश्मिरमा इस्लामिक जिहादीबाट गरिएको हत्या प्रति आपत्ति जनाउदै नेपाली नागरिक सहितका निर्दोष हिन्दू पर्यटकहरुको आत्माको चीर शान्ति हेतु श्रद्धांजलि अर्पण गरिएको छ।
वीरगञ्जको घण्टाघर स्थित सम्पन्न श्रद्धाञ्जली कार्यक्रममा मृतकको आत्माको चिरशान्तीका लागि सहभागीहरूले मैनबत्ति बालेर एक मिनेट मौन धारण समेत गरेका थिए।
सो अवसरमा वक्ताहरूले धर्मको नाममा सामाजिक सदभाव बिथोलिदै यसरी बर्बरताका साथ नेपाली लगायत अन्य ठाउबाट आएका हिन्दुहरुलाई गोलि हानि मारिएको घटनाप्रती घोर विरोध समेत जनाएका थिए।
तराई मधेस महिला फाउन्डेशन नेपालको अध्यक्ष सुनिता साहको अध्यक्षतामा सम्पन्न श्रद्धाञ्जली कार्यक्रममा
बिपिन साह, दिपेन्द्र पटेल, सुधिर साह, रोहन साह, मैना देवि साह लगायतका महिला तथा युवाहरूको सहभागीता रहेको थियो।च्वाइस खबर
