अरविन्द कुमार यादव
रौतहट ,१३ असार।रौतहटको क्षेत्र नम्बर ३ अवस्थित रहेको कटहरीया नगरपालिकामा वर्थिंन सेण्टर निर्माणकार्य जुटेको हो ।कटहरिया नगरपालिका-८ पिप्रा पोखरियामा बर्थिङ सेन्टर निर्माणकार्य तिब्ररुपमा सुरू भएको छ।
पिप्रा पोखरीए र बलुआ गाउँ बिचका मान्छेहरु पायक पर्ने स्थानमा नगरपालिकाको आर्थिक सहयोगमा वर्डास्तरीय बजेटबाट बर्थिंग सेन्टर निर्माण भइ रहेको हो।
कटहरीया नगरपालिका वडा नम्बर ८ का अध्यक्ष समिसबिक्रम शाहले बर्थिङ सेन्टर भवन निर्माणको पहिलो चरणमा कम्पाउण्ड वाल निर्माण ४५ लाखको लागानीमा भइरहेको बताएका छन् ।
यस आर्थिक वर्षको लगत्तै पुनः नगरपालिकाबाट आउने थप बजेटबाट भवन निर्माण सुरू गरिने साहले जानकारी दिएका छन्।
यसैबीच, कटहरिया नगरपालिकामा मेयर अजय प्रकाश जैसवालले बिहीबार निर्माण कार्यको स्थलगत निरीक्षण गर्दै गुणस्तरमा कुनै सम्झौता नगर्न वडाध्यक्ष साह तथा निर्माणमा कार्यरत् मिस्त्रीलाई निर्देशन दिएका छन्।
वाल निर्माणपछि आर्थिक वर्षको पहिलो चरणमै नगरपालिकाबाट आवश्यक लगानी गरी आगामी आर्थिक वर्षभित्र भवन निर्माण पूरा गराई बर्थिङ सेन्टर सञ्चालन गराउने मेयर जैसवालले प्रतिवद्धता जनाएका छन्।
बर्थिङ सेन्टर सञ्चालन पछि पिप्रा पोखरिया र बालुवा गाउँका सयौं महिलाले सुत्केरी गराउन अन्यत्र जानुपर्ने झन्झटबाट छुटकारा पाउने शाहले जानकारी दिए।
