रौतहट, २५ पुस । रौतहटको वृन्दावन नगरपालिका स्थित एक क्रशर उद्योगमा ११ हजार भोल्ट भएको हाइटेन्शन तारको चपेटामा टिपर आएको जानकारी प्राप्त भएको छ ।
विहिवार विहान ८ बजेको समयमा वृन्दावन नगरपालिका वडा नम्वर ४ स्थित क्रशर उद्योगमा लु १ त २८४९ नम्वरको टिपर बालुवा झार्ने क्रममा ११ हजार भोल्ट भएको तारको चपेटामा परेर टिपर पूर्ण रुपमा क्षतिग्रस्त भएको हो ।
टिपरका चालक जयप्रकाश सहनी विद्युतिय प्रवाहबाट गम्भीर घाईते भएपछि तत्कालै उपचारको लागि गरुडा स्थित निजी अस्पतालमा प्राथमिक उपचार पश्चात थप उपचारको लागि विरगंज तर्फ पठाइएको जिल्ला प्रहरी कार्यालय रौतहटबाट बुझिएको छ ।
घटना सम्बन्धमा प्रहरीले आवश्यक अनुसन्धान गरिरहेको रौतहट प्रहरी प्रमुख एवं एसपी दिलिप घिमिरेले जानकारी दिए
