रौतहट ,१८ श्रावण ।सिरहाका पत्रकार अभरेन्द्र कुमार यादव चुरे नदी प्रणाली संरक्षण सरोकार पत्रकार समाज को कार्यबाहक अध्यक्ष पदमा चयन भएका हुन् ।
आयोजित धनुषाको ढल्केबरमा समाजका पदाधिकारी तथा सदस्यहरुको बैठक कार्यबाहक अध्यक्ष पदको जिम्मेवारी दिइएको छ।कार्यवाहक अध्यक्ष जिम्मेवारी पाउनु पूर्व देखि समाजका सचिवको रुपमा अभरेन्द्र यादव काम सम्पादन गर्दै आइरहेको छ।
समाजका अध्यक्ष वरिष्ठ पत्रकार अनिल कुमार कर्ण काम विशेषले बाहिर जाने भएकोले यादवलाई कार्यबाहकको जिम्मेवारी दिइएको अध्यक्ष कर्णले बताए ।
शनिबार दिन कार्यबाहक अध्यक्षको जिम्मेवारी सम्हालेका यादव प्रेस मञ्च नेपाल मधेस प्रदेश समितिका अध्यक्ष र जसपा नेपालको वन, वातावरण तथा विपद व्यवस्थापन विभागका सदस्य समेत समेत हुन् ।
करिब एक दशक देखि यादव चुरे र वन तथा वातावरण तथा समाजिक क्षेत्रमा काम गर्दै आइरहेका पात्र हुन् ।
अहिले मधेस खडेरीको खतरामा छ । मधेस जोगाउने हो भने चुरे र नदी दोहन रोक्नु पर्छ । चुरे विनाश तथा भू–क्षयीकरण र जथाभावी नदी उत्खनन रोक्न आमनागरिक र सरोकारबाला सबैलाई सहयोग गर्न सचेतना फैलाउने बैठकमा सहभागीहरुले प्रतिवद्ध काम गर्दै जाने ।
बैठक सहभागी सम्पूर्णको एउटै चाहना थियो, ‘चुरे रहे जल र जल रहे हामी’ । विगत वा वर्तमानमा स्थानीय तह, प्रदेश र केन्द्र सरकार सबैको चुरेप्रति गिद्धेदृष्टि रहेको जनाउँदै चिन्ता व्यक्त गरे ।
‘चुरे नदी प्रणाली संरक्षण सरोकार पत्रकार समाज’ का पदाधिकारीहरुले चुरे विनाश तथा नदीनालाको अवैध उत्खनन रोक्न सरकारलाई ध्यानाकर्षण गराउने, गाउँ तथा नगर बस्तीमा समेत जनचेतना फैलाउन सक्दो प्रयास गर्ने ऐक्यबद्धता जनाए ।
‘चुरे नदी प्रणाली संरक्षण सरोकार पत्रकार समाज’ चुरे, वनजंगल र नदीनालाको संरक्षण तथा संवर्द्धन गर्ने उद्देश्यले पत्रकारहरुद्वारा गठन गरिएको छ ।
