रौतहट ,१९ श्रावण । प्रेस मञ्च नेपाल मधेस प्रदेश समितिको प्रथम अधिवेशन भदौ १७ गते हुने भएको छ ।
मञ्चका प्रदेश अध्यक्ष अभरेन्द्र कुमार यादवको अध्यक्षतामा शनिबार ढल्केबरमा सम्पन्न प्रदेश समितिको बैठकले तोकिएको मितिमा अधिवेशन सम्पन्न गर्ने निर्णय गरेको छ ।
बैठकले भदौ महिनाको ११ गतेभित्रै प्रदेशका ८ वटै जिल्लाको अधिवेशन सम्पन्न गर्नुपर्ने निर्णय गरेको जनाइएको छ ।
त्यस्तै भदौको १२ गतेभित्र सबै जिल्लाले जिल्लाको लेटरहेड प्रयोग गरी जिल्लाका निर्वाचित पदाधिकारी तथा सदस्यहरु र प्रदेश पार्षदहरुको नामावली प्रदेश समितिलाई बुझाउन निर्देशन समेत दिइएको छ ।
