अरविन्द कुमार यादव
रौतहट ,२३ माघ रौतहटमा सरस्वती माताको मूर्ति सेलाउँदा डुबेर बेपत्ता भएका एक जना विद्यार्थीको शव फेला परेका छन्।
राैतहटको राजदेवी नगरपालिका-६ स्थित बागमती नदीमा सरस्वती माताको मूर्ति विसर्जन गर्ने क्रममा डुबेर बेपत्ता भएका विद्यार्थी वडा ७ मुडवलवाका विद्यार्थीहरू मध्ये वर्ष २२ का सुरज यादव मंगलवार साँझ पौने ७ बजे डुबेर बेपत्ता भएका थिए। मृतक विद्यार्थी स्थानीय प्रावि मूडबलावाका प्रधानाध्यापक उमेश यादवको छोरा हुन् ।
आफन्तको खबरपछि सशस्त्र प्रहरी बल बिओपी बेलविछवा, प्रहरी चौकी बेलविछवा र नेपाली सेनाको वीर दल गण रौतहटबाट खटिई गएको संयुक्त टोलीले खोजी गर्दै जाँदा आज बिहान सवा १० बजे मूर्ति सेलाएको स्थानबाट १०० मिटर दक्षिण बागमती नदीमा डुबेको अवस्थामा विद्यार्थीको शव फेला पारेको सशस्त्र प्रहरी रौतहटका प्रमुख एसपी विक्रम हुमागाईंले बताएका हुन् ।
मृतकको शव पोस्टमार्टमका लागि प्रादेशिक अस्पताल गौर पठाइएको जिल्ला प्रहरी कार्यालय रौतहटको सूचनामा उल्ले गरिएको छ।