रौतहट ,२० कार्तिक ।रौतहटको सदरमुकाम गौरमा अवस्थित प्रादेशिक अस्पताल गौरमा दरबन्दी भइ काजमा अन्य ठाउमा गएका चिकित्सक तथा कर्मचारीहरुलाइ अस्पतालमै फर्काउने भएको छ । प्रादेशिक अस्पताल गौरका अध्यक्ष अबधेश यादबले अस्पतालमा प्रयाप्त मात्रामा जनशक्ती नहुदा काम कार्वाही मै समस्या हुने हुदा गौर अस्पतालमा दरबन्दी भएकाहरुको काज सरुवा फिर्ता गर्ने बताउनु भएको छ । गत असोज २३ गते अस्पताल ब्यबस्थापन समितिको अध्यक्षमा नियुक्त हुनुभएका यादबले गौर अस्पातलको बिभिन्न पक्षको सुधार गर्नुपर्ने देखिएको हुदा आफु त्यसको लागी सक्रिय भएको बताउनु भयो ।
‘पहिलो प्राथमिकता अस्पतालमा कार्यरत जनशक्ति व्यवस्थापन हो। दरबन्दी भएर जिल्ला बाहिर काजमा रहेका डाक्टर र कर्मचारीलाई फर्काउने प्रक्रिया सुरु गरेका छौ साथै, आपतकालीन सेवा, प्रसूति सेवा र ल्याब सेवा अझ सशक्त बनाउने योजनामा छौं’ अध्यक्ष यादबले भन्नुभयो ।
अस्पतालमा आउने बिरामीलाई सहज, छिटो र मर्यादित तरिकाले उपचार पाउने वातावरण बनाउनु आजको आवश्यकता हो त्यसका लागि टिकट प्रणाली सुधार, बिरामी कक्ष विस्तार, स्वच्छता र औषधि आपूर्तिमा ध्यान दिने साथै, डाक्टर र नर्सहरूको नियमित उपस्थितिलाई सुनिश्चित गरिने समेत अध्यक्ष यादबले बताउनु भएको छ ।
निकट भबिष्यमा नै अस्पतालको सफाइ, उपचार प्रणाली र औषधि वितरणमा उल्लेखनीय सुधार देखिने उहाले बताउनु भयो । धेरै नागरिकको ज्यान बचाउने यो अस्पताल जनताको हो, त्यसैले जनताको विश्वास जित्नु नै हाम्रो पहिलो लक्ष्य हो, सबै चिकित्सक, कर्मचारी र स्थानीय सरोकारवालासँग मिलेर गौर अस्पताललाई उत्कृष्ट अस्पताल बनाउने अध्यक्ष यादबले प्रतिबद्धता जनाउनु भएको छ।प्रतिक्षा अनलाइन
अस्पताल गौरमा दरबन्दी भइ काजमा अन्य ठाउमा गएका चिकित्सक तथा कर्मचारीहरुलाइ अस्पतालमै फर्काउने
